Great Bareer Reef

Hey hou...

So mir ds Cairns acho und si bereits 2 tag ga schnorchle am Great Bareer Reef..
Ds Wetter het nid so mitgspiut. Aber isch glich super gsi. Di viele schoene fische ds gseh. D Pflanze wo schoen glaenze und so...eifach wi im biuderbuech....Di bloede Haie wos ueberau het gha, heimer o huere Angscht gmacht :-P

Ha ufem Schiff zwar einisch muesse erbreche, aber gits haut ufem meer :-)

Itz hocke mir witerhin im Rege... zum glueck goemer morn uf darwin. Dert faht de uesi 14 taegegi tour a.... freue ues uf das...

See you...

Sky Diving

Hallo

So huet simer ga Sky Dive... Isch wiederum super gsi. No fasch besser aus ds erschte mau. Mi chas viu meh gniesse. Womer ds erschte mau i Flueger si gstige, simer gstartet und nach 4min hets biibset und naer het dr Pilot grueft das mir sofort muesse lande. Auso heimer haut e Notlandig miterlebt.

Dr 2it Flueger isch de ner gange. De simer haut us 4500m ohni Flueger wieder abe... haut scho geils Feeling...

So itz geits morn aendlech witer uf Cairns... Dert wartet es Highlight. Great Bareer Reef.... Wird wahrschinlech wunderschon....

See you then

Fraser Island

Hey....

So mir si ds Brisbane acho und nachere churze Nacht uf Fraser Island 2 Tag ga di Insle aluege. Isch troumhafti Insle mit viune schoene Oertli :-) Super Sach gsi... Regewald, See, Meer und Tier... Was wottme meh...

Morn goemer ga Fallschirmspringe bevor mir de richtig Cairns fluege... Dert mache mir de e schnorcheltour ads Great Bareer Reef...Wird toll...

See you soon

Byron Bay und Surfers Paradise

Hey...

Nach dr 12h Busfahrt nach Byron Bay simer gmuetlech am Strand nache gloffe ca. 1.5 stund... Isch ae wunderbar schoene Strand wo o glichzitig dr Oestelchscht Punkt vo Oustralie isch. Ner simer duer ds Staedtli spaziert. Isch sehr schoen mit chline Huesli. Shops und Cafe's ueberau...Voll easy ;-)

Nach 1 Nacht simer witer nach Surfers Paradies. Das gfaut mir nid so wi Byron. Hie hets nur Hochhueser und Hotel a Hotel...Vou nid kuul... Dr Strand isch eifach Strand... Auso nix spezielles. Itz fahre mir de nach Brisbane und si dert 5 Naecht. Vo dert goemer o uf d Fraser Island und ga Sky Dive.... Uf das freue mir ues... Aentlech nuemme nur Strand, sonder o mau chli Action...

See you in Brisbane...

Busfahren

Hey hou...

So huet simer no a Manly Beach und itz geits de los. Di laengi Busfahrt nach Byron Bay. Abfahrt am 19.00 und Akunft um di 7i morn am Morge.... Tja... Derfuer erwartet ues aes Strandparadies...Itz cha ues nur no ds Wetter ae Streich spiele...

See you soon at Byron Bay

Sydney

hello

so sit 1 tag in sydney....flug isch muehsam gsi, da mir es dumms chind nebe dran hei gha....

hie chunnt mir aues mega bekannt vor....:-) haut scho schoen.... hei afang mau ca. 20 stund pennt und itz simer am bondi beach..morn fahre mir nach byron bay...scho 12 stuendegi busfahrt...

so i wish you

Reisevorbereitung

Hallo zämä

Auso da wäre mir wieder.... ;-) Hüt hani di erschte paar Sache packt und itz gits no paar "Dates" woni ha... Aschliessend geits morn nachem Coiffeur um di 6i am Abe Richtig Züri...Abflug isch de am 21.45... Akunft isch in Sydney am Sunntig 07.05! Schwizerzit isch das ca. SA Abe am 21.05... Git auso wieder ä 24h reis....

Üsi Reis:

2 Tag Sydney
1 Tag Byron Bay
1 Tag Surfers Paradies
2 Tag Brisbane
3 Tag Noosa (Fraser Island)
4 Tag Cairns (Schnorchle am Great Bareer Reef 2 Tag)
2 Tag Darwin
14 Tag bis uf Adelaide
2 Tag Adelaide
2 Tag Sydney ---> The End

Freue mi.... Tschüss zämä

Letzter Bolg Eintrag in Australien bis März

Hallo zämä

So i ha packt und warte nur no bis dr Marco mi chunnt cho abhole... itz gani ds Züg bi ihm ga deponiere när gömer ga ässe und i Usgang. När gani direkt a Flughafe und flüge morn am Morge am 6i Richtig ZRH ab....
I dr Schueu isch aues abgschlosse und di letschte Fotos si gmacht ;-)

Eventuell schribi ir Schwiz nomau öpis ine... Und süsch spetischtens im März wieder...

See you

Gemischte Gefühle

Hoi zämä

So mini letschti Nacht bricht ah.... Ds letscht mau i mis Bett woni itz ca. 50 mau dinne ha gschlafe...Morn wird düregfeschtet und ca. am 3 ir Nacht ds Taxi gno für a Flughafe. De chani im Flugzüg schlafe und bi wieder besser dinne für ir Schwiz...

Hüt Namitag simer no schnäu am Bondi Beach gsi. Da bini dert ghocket und aui Bilder simer nomau düre Chopf woni da ha erlebt:
- Ds erschte mau im Ouguscht woni dr Strand ha gseh
- Womer am 2ite Tag ds erschte mau mit dä neue Kollege dert häre si und o si ga bade
- Di riiiise Welle wo 5 Lüt het ids Spitau bracht
- Sunnebrand
- Jasse und fun mit dä Lüt
- BBQ und dr Alk wome het müesse uslääre
- Australian Open womer dert im Pub immer hei gluegt
Di wunderschöni Zyt a "mim" Beach wirdi nie meh vergesse!

Nachem Beach bini mitem Marco no i "üses" Pub ga ässe. Dert gits di beschte Pommes und Steaks vor Welt. Für nur 10$... Ha mi meischtens i däm Pub ernährt! Wägä däm simer hüt aus Abschied nomau dert häre.
- Di geile Frites und Steaks
- Di vile Bier und Cola womer dert hei trunke.... Mega günschtig (mengerabatt)
- Jede MI Abe isch Party gsi uf 3 Stockwerk. Super gsi dert!!!

Und morn gömer nomau id City i Usgang woni haut eifach i mis Härz ha gschlosse und sicher no paar mau wirde dahärä cho!
- Opere Huus
- Harbour Bridge
- Botanic Garden
- Circular Quay
- Victoria Bildung
- Fähre
- Taronga Zoo
- Darling Harbour
- IMAX

Tja und morn wirdi ds letschte mau id Schueu ga! D Koreaner und Japaner hei mir äs Gschänk gmacht :-D Ha mega freud gha.... Si hei für mi kochet!! :-D Di si sooo lieb. Si wei mi de mau cho bsueche...und dr Abschied vo mine Schwizer Kollege wird mir o schwer faue! Aber di wirdi mit Sicherheit ir Schwiz o wieder träffe. Si eifach di geilschte Sieche!! Innert 7 Wuche heimer ä Beziehig ufbout wo fasch ungloublech isch ;-) Mir kenne üs scho fasch in und uswändig...
Erinnerige ad Schueu und Kollege:
- Istuefigstescht
- Dr bescht Kaffi/Schoggi vor Welt... (thanks Bird! You're the best!!!!)
- Liebi Leher wo dir immer helfe
- Gueti Lag vor Schueu
- English only, please hehe dä Spruch ghöri itz de o nümme jede Tag
- Sky Diving (the best thing ever!!)
- Australian Open 2010!!!
- Welcome Party :-D angers gsi :-D
- Scheiss Üebige wo jede het agschisse und glich hetme Party gha :-D
- Papierflüger
- Usgang

Es het o negativs derbi gha! Aber das het ke Sinn das ds sägä! Wöu ds Positive überwiegt 1000 mau!!

It was the best experience in my life and I'll never forget this beautiful time at SELC in Sydney! Thanks to all and I wish you all the best! See you in Switzerland or maybe in Korea, Japan or Brazil? ;-)

The last Week

So mini letschti Wuche isch scho halb ume.... Ds Wetter isch immer no nid guet! Dr Strand wirdi nümme gseh! Aber ja i gseh wenigstens äs Ändi :-D
Im Moment isch eifach wieder Schueu und ab dä 15.00 Uhr längwille. Geschter Abe simer no im IMAX gsi. Gröschti Linwand vor Welt und 3-D.... Eifach nur faszinierend gsi. Avatar simer nomau ga luege wöu süsch nur so Tierfilme loufe. Und ja da hetme gmeint mi isch mits drin...

So no ga jogge und när scho gli ga schlafe. Mir si im Moment tod müed jede Abe....

Erneut einen Tag zum vergessen

Super Sach Wucheend, strahlend blaue Himmu und 36 Grad.... Ab a Beach.... --> Leider isches nur üse Troum.... Wucheend, nur einisch Rägä und nur 24 Grad..... Super oder?? Ir letschte Zit hets ja nid so viu grängent....nur 13 vo dä letschtä 18 Tag... Und wi immer heimer wieder nümme gwüsst was mache.... De heimer üs haut wieder im Ichoufszentrum für ds Mittag ässe troffe! Kuul gässä isch i 30 Minute und de isch o ersch 13.30 gsi... Was machtme itz? Witeri 30 Minute si vergange und mir si immer no im Restaurant ghocket und hei nid witer gwüsst. De simer ine Surfer Lade (womer öpä jede Tag dinne si). Dert hani mir ä Pulli kouft. Guet de isch 14.40. Okey scheiss Wetter mir gö i Chino. Leider simer i dene paar Wuche scho 4 mau im Chino gsi (wägem scheiss Wätter natürlech) und de heimer haut eifach no dr bescht gno wos het gha. Dr Fium isch am 17.30 fertig gsi und itz simer haut aui wieder hei und längwille üs bis dä Tag düre isch. So das wär Gschicht vomne verdammt längwillige Sunntig! Und so si di letschte Täg aui gsi.... Freue mi uf hei!!!

Geschter simer no schön fein ga ds Nacht ässe... Bir Darling Harbour ire Pizzeria. Leider heimer üs dert no müessä äs T-Shirt choufe bevor mir ine hei chönne! Ja dir ratet richtig... Äs isch nass gsi vom Rägä. 50 Meter müessä im Rägä loufe und mi hets chönne usdräiä! Ä riiiiiiiise Rägästurm wis ir Schwiz nie git! Tja si haut d Strasse überschwemmt gsi! Derfür isch Pizza när umso besser gsi! :-D Eh ja, scheiss Weekend!

See you

Shark Attack

News: Innert 1 Wuche hets itz grad rund ume Bondi Beach 2 Haifisch Attacke gä.... Dr eint Maa hets überläbt und d Frou wos hüt het verwütscht, wirds hert ha ds überläbä.

Isch komisches Gfüeu weme a dene 2 Stränd wome am meischte isch, eifach innert 1 Wuche grad 2i so Storis ghört.... Süsch passierts säute bis gar nie... Di letschti Attacke isch vor 2 Jahr gsi...Eh ja.... Muess ja nümme mängisch ga bade ;-) Und bis itz hanis immer überläbt...

Borrrring

Hey zämä



Und scho simer wieder im Töif vo letscht Wuche :-D Auso ig nid... Bi recht ds friede und immer no chli imne Höch.... Aber das klingt o langsam ab. Dr Grund isch wieder ds Wetter.... Prognose si seeehr schlecht! Ig gloube, i wirde dr Strand nümme mängisch gseh! I wirde beniedet zum hei ga! Di andere schissts ah, bi däm Wetter ga ds reise. Di wette am liebschte o grad mit hei cho... Tja säuber tschuld geitme um die Jahreszit ga reise :-D



Ehm geschter heimer ja no di Valentinsparty gha... So öpis längwilligs hani no säute gseh.... D Disco isch am 11 scho wieder läär gsi... Tja.... Simer haut ine Bar no eine ga nä...



Hüt Abe wei si mit mir ga äs Abschiedsässe mache.... Da di andere das nächscht Weekend zämä chöi mache, wei si das hüt mache mit mir.... Hani no schön gfunde :-D Itz gömer ad Darling Harbour ga ässe.... Mau chli öpis tüürers derfür wirds o mau spezieu... Dänke git Kängeru oder Kroki bi mir... We'll see uf was dasi Luscht ha...



Wasmer süsch no mache ir nächschte Zit? Nix und zwüsche düre no eis ga schnappe ire Bar.... Und aues nur wägä däm verdammt Wetter... Tja....

See you

Sunny day

Hey mate

Hüt isch wieder äs super schöns Tägli gsi. Isch sicher über 35 Grad warm worde.... Im Sand hesch nid 2sek chönne stah und scho hesch dir d Füess verbrönnt :-D Aber herrlech gsi. Leider wieder gaaanz weni rot worde...aber das gits haut ;-)

Hüt am Namitag hani de no mi Onkel troffe... Spezieu üs hie ds träffe und ir Schwiz schaffes mir praktisch niä :-D Chli zämä am Strand simer glägä und hei brichtet. Är isch de när no ar Küste nache gloffe und mir si hei wöus het afah rägne...itz heimer hüt Abe no Valentinse Day Party.... Schad weme dert härä geit und niemer het :-S hehe... Aber wird geil :-D

Sky Diving

Lääääck isch das ab gange :-D Isch uf jede Fau ds beschte gsi wo ig jemaus ha erlebt!!! 60 sek freie Fall mit 200km/h....eifach ungloublech das Feeling!!
Am Afang ischme locker im Flüger und nach 15 min wo dä Flüger hinger uf geit, dänktme nomau drüber nache wiso mä so scheiss macht....Aber nach 10sek Flug, wirds eifach ungloublech! Mi gniesst jedi Sekunde! Unten angekommen, hei aui grad nomau wöuwä ga.... Leider ligts finanziell nid grad drin :-D Adrenalin für ds nächschte Jahr isch garantiert :-D Fotos si uf Facebook und äs DVD hani de süsch ono wes öper interessiert....

Klick hier: http://www.facebook.com/album.php?aid=50377&id=1484405461&l=5b8cae37bd

Morn erläbi hie dr letscht Fritig... Mau luege wis wird... :-)

See you

Fallschirm!!

Morn isches so wit! Mir wärde uf 4500m flüge und när haut ohni Flugzüg wieder ufe d Ärde zrüg flüge ;-) Mir si aui mega nervös und müessä wägä däm hüt schono 1-2 Bier ga nä! Süsch schlafe mir eh nid.... D Nervosität isch grenzelos :-D Genau so wi d Vorfreud!!

wünsche euch ä schöne Tag....

Suuuunne!!!

Es ist geschafft!!!!!

Hüt heimer sit genau 13 (!!!) Tag wieder a Strand chönne!!! D Sunne het am Mittag afah schiiine und de simer nach dr Schueu aui zämä natürlech direkt a Strand. Mir si leider scho wieder aui wiis :-S schlimm aber mir gäbä üs dermit ds fride dases d Sunne überhoupt no git!! :-D

Hüt Abe i Usgang!

..

Ig cha im Moment eifach würk grad nümme so schribe. Louft viu ds weni. Äs isch immer scheiss Wetter und mache düemer wägä däm genau nüt.... Tja....

Weekend

Das Weekend isch wi di ganze 2 letschte Wuche verregnet gsi... Das heisst mi cha wieder nüt aständigs mache.... De simer haut am FR i Chino ds 9te höch....
Am SA und SO bini wieder bi Kusters gsi. Am SA heimer nid viu gmacht. Chli im Pool gspiut. Vo obe ischme aber fasch meh nass worde aus im Pool säuber.... Spili gspiut und chli gret. Am So simer o wieder i Pool während däm dases het grägnet und när simer, mi gloubts nid, ga schlittschueh loufe :-D Imne Ichoufszentrum hets ä Isbahn und när simer haut dert härä... Tja was machtme nid aues bi scheiss Wetter.

Bis und mit MI isch immer no Rägä agseit! Für DO und FR isch wieder mau 35 Grad und Sunne aber scho uf ds nächschte Weekend härä chunnt wieder ä Schlechtwetterfront. Down Under isch immer schön Wetter.... Jaja genau :-D

Scheiss Wätter :-D

Hey mate....

I sägä euch, mir si am verzwifle... Das verdammte Wätter chöimer nümme gseh... Äs rägnet eifach di gaaanz Zit... Hüt müessä mir am Abe i Chino wöu süsch nüt louft. Dr Strand weiss scho fasch nümme winer usgseht und mini Hut glicht amne dr Schrift woni da im Blog ha :-D

Das Weekend gsehts nid besser us! Ga aber wieder zur Familie woni da kenne. Wird auso sicher äs gmüetlechs Weekend.

Äs wird auso bis am Mo keni Iträg gä...

I wish you a nice weekend and see you soon

Hallo

Sorry für dasi mi nid so ha gmäudet ir letschte Zit. Aber passiert haut nümme neus.... Immer id Schueu und när eis ga zieh und de hei oder i Usgang. Ds Wetter isch so schlecht. Sit über 1 Wuche nümme am Strand gsi.... Bi scho fasch wieder wiiis....tja....

När gits no ä grossi Planänderig:
Am 20. Feb wirdi zrüg id Schwiz cho für ca. 3 Wuche. Äs isch ä herti Entscheidig gsi, aber isch ds Beschte für mi. Mini Gründ drzue:

1. 95% vo mine Kollege verlöh den d Schueu und gö ga reise
2. 1 Monet allei in Sydney uf d Manu warte isch unmüglech. Isch längwillig!
3. Ds Wetter wird immer wi schlechter und dr Strand würdi nümme so viu gseh
4. Mit dä Kollege ga reise chani nid, wöui aues mit dr Manu wirde ga mache
5. Gsehni aui Kollege wieder mau, das isch doch o toll
6. Mi spart viu Geld für das Jahr nomau id Ferie ds ga :-D hehe....
7. Ig cha kes Outomiete, da ig wäg 2 Monet nid 21 jährig bi...

Isch würk schwierig gsi zum mi für das ds entscheide. Aber mini Kollege hie, hei mir das grate und si würdes o so mache.

So am DO gömer def. ga SkyDiving. Bis itz isches immer wieder verschobe worde! Itz isch aber buechet... Wird ja anders geil :-D

See you

Das riesen Stadion, das männer Tablaeu in Grossformat, die beste Schweizer Truppe und natürlich King Roger in Action..... So meh vo Melbourne gits nümme :-P

Fotos Australian Open

Fan Zone, Williams Sister und Andy Murray bim ispiele. Meh chunnt no

Federer live

So da simer ds melbourne.... Super Alag hei die da.... Meeega gross... Scho idruecklech gsi...Leider isch de dr Federe mega schnaeu gsi... 1h28min....tja...2 dollar pro minute :-)

Hetsech glich glohnt.
Mir si uf jede fau im Australische TV cho dr ganz tag, mir si gschminkt gsi hei schwizer fahne anne gha und gjollet :-) super gsi... hehe...fotos choeme de weni ds Sydney bi.

itz heimer no chli d City agluegt und morn fluege mir wieder hei uf Sydney. Bi froh, da Melbourne nid so toll isch. Findes ke schoeni Stadt....

Foto choeme vo da....

See you

review

Hey zämä

Internet geit wieder. Chli Zämäfassig vo dä letschtä Täg...

SA: Simer am Bronthe Beach gsi. Gmüetlech gsünnelet und später hets afah rägne....SO abe daheim vorem TV!

SO: Ganz Tag im Bett glägä und Tennis gluegt.

MO: Schueu und süsch eigentlech nid viu....

DI: Australian Day..... Hani mir dänkt das da chli öpis louft. Aber het nur viu Lüt gha und äs Füürwerk meh nid. Ds Füürwerk hani nid gseh :-)

MI: Hüt simer mit dr Schueu wieder chli weg. Ufene Pfiler vor Harbour Bridge. Isch nüt spezieus gsi. När simer 9 Stund am Tennis luege gsi. Vom Federer heimer nur dr Schluss gseh! :-( Aber het ja gwunne und das isch ds wichtigschte....

Morn ab uf Melbourne. Nächscht Itrag fougt am So!!! Bis denn bini weg...

ROGER MIR CHÖME!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! SOOOOOO GEIL.......

Kein Internet

ig ha kes internet meh bis am 1. Feb....Alles neue chunnt den... ga so wiso uf melbourne di wuche und bi nie da....


seeee you

Hottetst Day 2

Hey

No dr Bricht zu dä Fotos.

Im Moment heimer grad ä Hitzewelle mit bis zu 40 Grad. Isch ar Grenze zum ushaute. Ds Meer isch di einzegi Lösig zum abchüehle.
Am Abe heimer geschter üses erschte richtige BBQ gmacht. Aui hei ihri Sache mitgno und gmüetlech afah bruzle... Isch super gsi :-D Vo Steak über Chicken, Hamburger bis zu Meeresfrücht heimer aues gha :-D Het Spass gmacht.
Dr Auk muessme i Papiertäsche verstecke wime ufemnä Foto gseht. Isch verbote am Strand. Und wägä däm bini o gange. Ma nid ä riiisä Buess zahle nur wöu teu müessä äs Bierli nä.

So das Weekend isch scho fasch düre. ;-) Gschlafe bis am 11.15 und när a Strand. Morn bini allei wöu aui angerä id Blue Mountain gö. Di hani scho gseh und wägä däm zahli nid nomau 100$!

Nächscht Wuche wird super! MO Test DI Australian Day MI Usflug DO FR SA SO Melbourne ;-) Freue mi mega.

Guets Weekend a aui...See you

Hottest Day

Riiiiesen Wellen

Hey again

Boah so öpis wi hüt hani no nie erlebt! 5-7 Meter Wellen hets gha! Natürlech wär ds bade verbote gsi, aber isch glich jede ine.... Bis uf ds mau eifach di gröschti vo dä grosse Wellene isch cho :-S Wirdi niä meh vergässä, dä Moment wo näbä üs eifach einä nümme uftoucht.... Sofort si d Lifegards da gsi und heine usägno.... Mit Defi's heisinä zrüg ghout. Hets überläbt!

Mit dere Welle hei grad 5 Chrankeoutos mitnang müessä cho! No niä gseh so öpis! Vo denn ah isch ds Wasser lääär gsi! Phu Action puur!

Itz ga Thailändisch ässe....

Bye

Come on Federer

Hey mate

Geschter heimer am Morge ganz normau Schueu gha und am Abe Party.... Aber zwüsche dr Schueu und Party isch öpis sehr wichtigs ufem Programm gstande...Dr Roger het sis erschte Spiu müessä gwinne... Aui wo mit uf Melbourne chöme hei gspannt zuegluegt und si fasch verzwiflet... Zum Glück heter de doch no gwunne :-D Und d Halbfinals si scho i Sichtwiti :-D

D Party am Abe isch super gsi. Mitem Partybus simer bis vor dä Klub gfahre und när isch d Poscht ab. 1 Stund gratis Getränk und und Free BBQ. D Schueu het drum 25-Jährigs Jubiläum und da mache si im Moment grad chli viu Aktivitäte :-) Üs söus recht si...

Hüt heimer nach 2 Stund d Schueu us gha, da niemer isch cho ussert öpä 3 wäg dr Party vo geschter... itz gani de ga ässä und ab a Beach :-D

See you

Poor Day

Hey auersits

Wi immer Montag :-S Aui si müed d heufti chunnt spät und isch unmotiviert. När gsehtme no so ä angeri Lehrerin im Zimmer :-S Und da hets üs scho abglösche! D Jenny isch chrank gsi und när isch haut di dummi Chueh aus Steuverträterin cho! Besserwüsserin und eifach dumm. Das heimer üs nid la biete und hei am Nami gstreikt und si a Beach :-D Isch äuä dr erscht Streik gsi wosi hei gha :-D

Hani immerhin no chli Zyt gha für di ganzi Reis fertig ds plane und bueche.... Itz wär das wenigstens afang erlediget! Itz hani no 6 Tag woni muess verplane.... Bi froh um jede Tipp wo dir mir heit :-D

See you

Weekend

Hoi Hoi

Das isch äs super gmüetlechs Weekend gsi!! Am SA bini zu Kusters und da simer mehrheitlech dr ganz Namitag i ihrem Pool gsi! Am Abe simer no bi Dütsche Fründe iglade gsi zum Ässe! Mega fein gsi!
Am So hani afang mau meeega lang gschlafe...bis am 11 (einsame Rekord hie) hehe...
När simer o wieder itz Pool und hei no bastlet!! :-D Am Namitag de simer a Dee Why Beach gange.... Gmüetlech gsi dert! När hei ga ds Nacht ässe und itz bini wieder ir Bondi Junction i mim Zimmerli ;-)

Super Weekend gsi :-)

Schöne Wuchestart a aui!

Weekend

Hey

Hüt gits nid viu neus....Am Morge heimer Schueu gha bis am 12.30 und am Nami wi jede Fritig frei....Nachem Pasta ässä simer öpä 1 Stund lang gfahre für ine riiiies Outlet Store... Het super günschtegi Sache gha...Hamer ono 2-3 Sache kouft... Itz bini daheim und ga gli ane Schueuparty...Mau luege ob das besser wird aus letscht mau ds BBQ....

Über ds Weekend bini äbä bir Familie....

See you und äs guets Weekend a aui

Weekend bei Kusters

Hallo...

Nach emnä scheiss BBQ (het viu ds weni ds ässe gä) bini geschter sofort hei itz bett. Ha Chopfweh gha. (nid wägem Alk)

Hüt si aui unmotiviert gsi ir Schueu. D heufti isch fasch ipennt und di angeri heufti het nid mitgmacht. Dr Grund isch äs Gwitter gsi ir Nacht. Mi het fasch nid chönne schlafe wöus so het ta. Vorher hani no grad äs super Steak mit Pommes gha :-D Mega günschtig gsi und wird o nid ds letschte gsi si ;-)

Am Weekend wirdi ar Familie woni vom Ouguscht här kenne, äs bsüechli abstatte ;-) Gö zämä a Beach und schlafe o bi ihne. Freue mi scho mega....

SkyDiving isch vo morn uf nächscht Fritig verleit worde. Isch ds schlecht Wätter morn.

That's it....

Bye

School trip to Manly

Hey





Hüt isch äbä Mittwuch und da heimer wieder Special Day gha... Mir si mitem Bus bis uf North Sydney gfahre und vo dert us ca. 3 Stund a Manly Beach gloffe. Sensationelli wanderig gsi!! Super Panorama, viu Tier wome gseht, schöni Stränd und wieder mau perfekts Wätter! Wieder mau d Schwizer hei möge, di angere hei scho nach 1 Stund wöuwe ufgäh...Tja tja tja... mit dr Fähre simer de när zrüg gfahre und itz hei di andere mega Stress wöu mir i 30 min scho wieder ir Schueu müesse si für ads BBQ :-D Wird sicher o sehr luschtig. Äs wird im The Rocks stattfinde...Das heisst im eutischte Teil vo ganz Sydney direkt under dr Harbour Bridge und super Ussicht uf d Operä! Freue mi :-D

See you

Planung für März/April

Hey zämä...

Hüt isch ä Tag gsi wi jede normau bi euch ir Schwiz o... Am Morge hani dänkt, dases chunnt cho schiffe...Aber de hets immer meh uftah und isch doch no 33 Grad worde... :-D Just geil :-D Am Namitag heimer Madagaskar gluegt ir Schueu. Mir hei nümme möge ;-) After school simer a Strand no so für 2 Stund...

Die beschti Nachricht vom Tag chunnt vor Schwiz... D Manu itz 5 Wuche cho reise :-D :-D Wird super ;-) Itz bini sit geschter immer chli am plane vor Reis. Isch no so verdammt schwirig :-S Zum Glück hani no d Hiuf vo mim Götti ;-) Är git mir Tipps und seit wasme so muess gseh und wimes erreicht ;-) Mau luege ob das de guet chunnt ;-)

Ehm morn isch Mittwuch... Das heisst Special Day.... Mir gö ga wandere und zwar loufe mir am nach Manly und fahre mit dr Fähre zrüg. Wird sicher luschtig :-D Am Abe isch BBQ mit dr Schueu agseit. 40 Schüeler heisech agmäudet und de geits ab i Kings Cross ga brätle ;-) Mmmmmmh wird fein ;-)

See you

Australian Open 2010

Hellöuuu

So hüt isch ä normale Mäntig gsi... Fasch wi ir Schwiz... Aui si tod müed und unmotiviert gsi ;-) Ds Wätter isch o nid grad dr Hit, wägä däm simer nach dr Schueu de o grad hei....

Am Abe heimer vor öpis ga ds trinke... Aber weiss no nid obs ds Stang chunt...

Hüt isch dr tüüürsch Tag sit ig da bi... Hüt hani müesse Sky Diving zahle und zuesätzlech heimer no grad Halbfinal Tickets in Melbourne für ds Australia Open kouft... Inkl. Flug :-D Itz gits de ä 4 tägige Usflug nach Melbourne :-D Wird ja angers.... Itz hoffe mir nur no das üse Roger spiut we mir dert si :-D De heter sicher 11 Schwizer uf sicher im Stadion :-D

That's all.....
See you

Manly Beach

Hallooo...

Hüt hani Rekord im usschlafe broche.... Bis am 9i hani chönne penne :-D När bini a Manly Beach ga d Ales bsueche... Si ischs geschter grad glandet. När heimer dr ganz nami chli plöiderelt bisi am 4i wieder uf d Fähre bi.... Itz bini wieder daheim!! Morn geits ä witeri Wuche id Schueu... Ds Opera House mit eifach perfektem Wätter....

Sit genau 1 Wuche bini itz da! Und ja muess sägä isch eifach dr absolut Hit. Wär Sydney nid guet oder schön findet, däm isch nümme ds häufe :-)

Und glich freue ig mi uf ds Ändi vor Schueu.... Reise! Und das aues no mit dir :-D wird super...

See you

Update...

Schnell äs Morge Update :-P

Cha fasch keni Chleider alege wägem Sunnebrand... Schrisst wi sau :-D

So glich ab a Manly Beach..
See you

Die Farbe ROT :-(

G'day mate...

Geschter Abe isch nid für viu gsi... Bi scho am 12i im Bett glägä und ha gschlafe.... Derfür hetmi d Sunne am 8i usem Bett gno :-S woni uf ds Termometer luege het das 29 Grad azeigt i mim Zimmer!!! Bisch fasch verreckt :-S När bini haut uf und a Strand. Aui angere hei gmüetlech witer pennet daheim. Bini haut allei dert gsi bis am 12i wo di erschte andere Schwizer si cho. Leider bini am Strand igschlafe.... Und wes haut eifach bratet bi 34 Grad wirdme rot! Und wie!!! Ä rose isch weniger rot aus ig! :-S Auso schlafet eifach niä i am Strand.... Tja itz brönnts haut ä Wuche... Derfür wirdme när bruuun....

So hüt startet ds Sydney Festival.... Ga mitem Kolleg ga ässe irgendwo ir City und anschliessend gömer mau ga luege was si da biete...
Morn wi gseit a Manly Beach....

See you...

Schön, schöner, am schönsten

G'day...

Woni hüt am Morge bi erwachet und ha usägluegt, hani dänkt dases wieder ä riiise scheiss Tag wird. Während dr Schueu isches bewölkt und chaut gsi. Aber punkt 12.30 womer hei usgha, hets afah ufdue und äs isch no 33 Grad worde! Kes Wolke am Himmu eifach nur troumhaft wimes im Prospekt gseht :-D Am Fritig Nami isch immer Schueufrei. D Schueu bietet aber so Events ah! Hüt isches Beach Volley am Tamarama Beach gsi. Mitem Bus si ca. 30 Schüeler (ca. 20 Schwizer) a Beach gfahre und hei ds Netz ufgsteut. Dr Tamarama Beach isch o troumhaft schön und nur 10 Fuessminute vom Bondi Beach entfernt! Auso für aui wo mau uf Sydney gö sehenswert!

Mir heis relativ luschtig gha und si zwüschä dä Spiu ono itz Meer. Riiese Wellen hets gha... :-D Uf ds mau isches üs ds längwillig worde und när simer übere Küsteweg a Bondi gloffe... Das war traumhaft schön. Muessme eifach mau gseh ha settigs ;-) Fotoshooting heimer ono 3 mau gha ungerwegs :-D Geil gsi :-D Am Bondi simer no ä Haubstund glägä und när hei di erschte zur Gastfamilie müesse ga ässe... Ig bi de o gange... Itz hocki da und schribe ;-) När gani under d Duschi und isse no vo mire 2kg Schoggi Glace :-P

Am 21.30 heimer de abgmacht für i Usgang. Mir träffe üs ar Bondi Juntion Busstation und gö när mitem Bus bis a Beach. Dert warte paari uf üs.

Plän für ds Weekend heimer o scho gschmiedet.... Morn isch usschlafe ufem Programm... Aschliessend gits ä Strandday am Bondi. Wird zwar ca. 20'000 Lüt ha, aber mir wärde äs Plätzli finge... Am Abe weimer när de id City a ds Sydney Festival. Mau ga luege was dert so abgeit. Sunntig hani mit 3 abgmacht für a Manly Beach. Mau mit dr Fähre dert übere Cruise... Dert dr Tag gniesse und wieder hei. När isch das Weekend o scho gloffe....

Wünsche auersitz ä schöne Tag.... :-)

Ps. 1/10 vo mire Schueuzit hani scho hinger mir.... ;-) Scho gli chunsch o

Alltag kehrt ein

Good morning....

Dir heit ja ersch Morge am haubi 8i.... Bi mir gits grad Glace zum ds Nacht. 2 Kg Schoggiglace für 8$! Da muessmä zueschlah :-D hehe...

Langsam aber sicher wird ds Läbä da zum Alltag. Am Morge immer am 7i wach für dasme mit mine Liebschte no cha chatte, när unger d Duschi und am 8.40 los für id Schueu.

Ir Schueu geits immer los mit rede... Aui chöi übernes Thema ihre Senf drzue gä. När gits Grammer...Isch seeehr beliebt :-S Das isch denn weni när schlafe... Ir Pouse diskutiere mir wär dr gröscht Absturz het gha, weles Bier am beschte isch oder mängisch o wo dasmer no aues wei häre reise nach dr Schueu. Ussert eine het hüt gfäut :-D Dä het sone strube Absturz gha geschter, daser nid uf het möge. Aber i sägä hüt abe ischer o wieder derbi :-D Nach dr haubstündige Pouse geits no chli hinger ds englisch. Ir Mittagspouse gömer i Mac, zum Thailänder oder süsch irgendwiä öpis ga ässe....Ab 13.30-15.00 chamä schön verdoue während däm dr Lehrer no chli öpis wot mache ;-) Meischtens louft aber nümme viu wöumer kaputt si.

Hüt isch no Info gsi für SkyDiving...(Fallschirm springe) Mir (4 Kollege) hei gseit, dass wes weniger aus 300$ choschtet mir üs amäude. Guet äs choschtet 250$ und das heisst: Nächsten Freitag wird Raffael aus 14000 Fuss (ca. 4800 m) aus einem Flugzeug springen :-D Wuhuuuuuuu wird angers geil :-D hehe....

Zuesätzlech müessä mir Schwizer langsam afah plane wenn dasmer was mache... Itz duet da ä Kollegin aues vorbereite und mir chöi üs morn ischribe wasmer wei mache. Eifach Schwizer Toure git das :-D Blue Montain, Canberra, Manly...u.s.w. De heimer Gruppe Tarif und aues isch günschtiger und macht meh fun.
Buechet heimer ono grad Seaparty...Da heimer vor Schueu ä Party ufemnä Schiff mit Dancefloor und auem. Wird geil...Vorauem wöu nur 150 chöi cho und leider d Schwizer wieder mau di schneuste si gsi und das ganze nach 20 min usbuechet isch gsi. När gömer ono anes BBQ im The Rock. Für 15$ chöimer ässe und trinke wasmer wei. O nid schlecht.
Dr erscht Surfunterricht gits nächscht FR... :-D Das wird no luschtig...

Hüt isch übrigens scheiss Wätter, wägä däm bini daheim und hocke am PC und schribe so viu... Am Abe gömer mau ga ds Night Life am Bondi Beach entdecke... Wird gmüetlech...

Ausblick auf morgen: Schule von 9-12.30 anschliessend Transfer an den Strand und Beach Volley mit Guy (isch Freizitkoordinator, dr geilscht Siech:-D) und när ines Pub. Am Weekend startet ds Sydney Festival. 3 Wuche Big Party ir ganze Stadt. Da chöi si d Schueu äuä grad zuelah :-D

So fertig...Süsch isch dr Blog überlaschtet :-P
Häbets guet und mi schribtsech....

Taronga Zoo

Hey to everybody

Hüt isch dr erscht Mittwuch gsi. Da heimer äbä immer Special Day. Gmüetlech simer i Taronga Zoo ga umäspaziere und Tierli aluege. Üses Grüppli vo Schwizer het dr ganz Zoo ungerhaute und sogar d Gorillas hei üs nur no dumm agluegt... :-S Tja gits...

Ufem Weg für i Zoo simer ds erschtä mau ir City gsi. Das heisst, dass mir ds Opera House und d Harbour Bridge hei gseh. Für diä wo no niä da si gsi ä riiisä Sach. Für mi aber nümme neus....Daher mani da nid gross verzeue. Da isch no d Foto aus Bewiis dasmer mit dr Fähre si näbä düre gfahre :-P

Nach üsem Lehrer isch hüt dr heissischt Tag gsi i däm Summer... Mir hei bis zu 35 Grad gha! Wäg däm simer natürlech ab dä 2i no für 4.5 Stund a Strand abe ga sünnele :-) Leider simer itz aui no mau röter aus geschter .... :-D Gseht geil us: Aui Schwizer zersch wiiis när rot...passt doch zu üsnä landesfarbe:-D

Hüt Abe wird no big Party si im Pub wo 2min näbä mim Studenteheim liegt. Wird sicher no luschtig...

Greeeeeeeeeeeez :-) und viu spass im schnee

Ps. So gsehts us weme äbä am Strand liegt! Weiss ja nid wis bi euch isch, aber chöit dir das o ir Badi im Moment?

First Time on Bondi Beach

So itz bini ändgültig am richtige Ort!!!!

Äs isch sooo geil :-D

Hüt ds erschtä mau richtig Schueu gha: D Klass isch super (ha nur no 1 Schwizer bi mir), d Lehrerin isch guet druf und ds Wätter eifach just perfect!! 30 Grad heimer da hüt chönnä gniesse! (Leider bini scho rot ;-))

Dr Strand isch wunderschön. Het zwar relativ viu Lüt, aber mi het sehr guet Platz! Üses Grüppli bestehnd und us ca. 11 Schwizer hei üs ä super Platz gsicheret und hei üs la brätlä vor Sunne... :-D

Hüt Abe gömer ev. no ines Pub wo schiiins dr ganz Abe Happy Hour het....Mau luege obi no mah...

Morn gömer mit dr Schueu i Taronga Zoo...Wird o super gmüetlech und wird sicher o luschtig mau mit Koreaner und Japaner ga ä Elefant aluege :-D

Hüt hani mir ono äs Natel mit SIM charte kouft..itz chöimer unger üs gratis sms schribe und das isch doch scho viuu besser aus für jedes fasch 1.- müessä ds zahle ;-) isch aber grossi arbeit gsi, so eini ds übercho :-D

Ps. Wär hetsech aues scho 3 mau innert 2 Tag im gliche Ichoufszäntrum verloffe?? Ok ig...

First Day in School

Hallo nochmal....

So nach mim erschte Frust bini itz grad vom erschte Schueutag hei cho!

Muess sägä das wird ä gueti Zyt ;-) 80% si Schwizer ir Sprachschueu....70% si Schwizer im Studenteheim :-D D Lehrer heisech zwar scho paar mau ufgregt ab üs, aber mir hei gmerkt dases ume fun geit und nid unbedingt nur um d Sprach ds lehre.

Nach däm Infomorge simer chli dür d Bondai Junction spaziert. Da hei di erschtä 2-3 Bierli natürlech nid gfäut. Uf ds mau isch no d Sunne füüre cho! Da heisech paar entschlosse, no a Strand ds ga! Aber 27 Grad ischmer ds chaut für a Strand :-D Nei seich bi eifach ds müed nach derä scheiss Nacht.

Itz ligi no gmüetlech ufem Bett und surfe no chli ume! De gani sicher nid au zu spät ga lige, süsch mani ja morn nid id Schueu :-P

Was mir scho hei gmerkt isch, dass d Verchöifer gar nid nätt si :-D SIM Charte wöue choufe, aber dä Löu het üs eifach keni wöuwä gä! Eh gömer haut morn nomau zum angere.

Ankunft in Sydney

Nachemne verdammt länge Flug bini am 22.30 in Sydney glandet. Ohni Schwirigkeite bini bis id Studenteheim cho.

Leider isch ds Zimmer verdammt scheisse. Mau luege was sech da laht la mache....

Im Studenteheim si vo 20 Lüt mind. 10 Schwizer....Di angere hani no nid lehre kenne...

Itz gani grad ab id Schueu. Mau ga luege wasmi dert erwartet. Cha nur no besser werde...

Mi erscht Mac in Dubai :-D

Es geht los

So eben bin ich von Paris zurückgekehrt. Eine sehr lange und kalte Nacht haben wir erlebt ;-) Jedoch ist alles gut ausgegangen.

Jetzt sind die Koffer gepackt und es kann los gehen. Morgen um 14.40 Uhr fliegt mein Flieger Richtung Dubai ab.

Ich wünsche Euch allen einen guten Start ins 2010 und bis bald.